Foredrag av Jan Tormodsæter, dagleg leiar i MAFOSS (Maritim Forening for Søre Sunnmøre) 14.10.2019 –verdsleiande maritim høgteknologi

Den maritime klynga. Quo vadis?

MAFOSS, Maritim Foreining for Søre Sunnmøre (tidlegare Verkstedforeninga) vart skipa i 1969 som ei interesseforeining for skipsindustrien på ytre søre Sunnmøre. I år fyller foreininga 50 år i år og har i desse åra engasjert seg i mange ulike prosjekt, noko som gjer at spennet i fokus har vorte vidt. Jubileumsåret skal brukast på ei strategirunde, og 50-årsfeirina vert markert med ein seminardag og ein festkveld.

Målet til MAFOSS er å styrke samhaldet internt i den maritime klynga, og utad snakke næringa si sak. «Vi skal samarbeide når vi kan og konkurrere når vi må» sa initiativtakar Idar Ulstein, og noko av styrken er at medlemmane snakkar godt saman. Mafoss har i dag om lag 45 medlemsbedrifter, der 25 er lokaliserte i Ulstein kommune, og resten på Søre Sunnmøre. MAFOSS har fem fagutval innan Forsking og utvikling, personal,HMS, opplæring og logistikk og produksjon. 

I følgje heimesida jobbar MAFOSS  med politisk påverknad innan samferdsel og utdanning, samt som aktiv fasilitator av ulikt nettverksarbeid innan den maritime næringa på Sunnmøre. MAFOSS leverer alle typer kurs til medlemane, og er på vegner av klynga, tett på det politiske miljøet i fylket innan næring, utdanning og samferdsel.

Innanfor samferdsel kjempar MAFOSS for Hafast, fordi dei ønskjer ein døgnopen region. Dei har jobba i ei årrekkje for å få ei tredjeferje på Hareid-Sulesund, og for betre løysingar på hurtigbåtane som representerer ein stor stressfaktor for alle.  Dei kjempar for betre flyforbindelsar over Hovden, for sjølv om ikkje Avinor tenar pengar på det, må ein oppretthalde samferdsel. Foreininga protesterer også på at takstregimet på ferjer representerer ein voldsom auke i kost for transport til og frå regionen. MAFOSS er representert i interimstyret for RV15 Strynefjellet, for her trengst nye tunellar for å få heilårsopen veg for å få produkt fram.  Ytre Søre Sunnmøre må dekkjast optimalt, for den ekte verdiskapinga i Norge foregår på Sunnmøre. Aksen Vanylven – Ulstein, Hareid : omsette på det meste for ein milliard i veka.  Den årlege veksten låg på 14%. Under oljekrisa låg på det meste 160 båtar i opplag i Norge, men situasjonen har har løsna litt no., og mange små og mellomstore verksemder i maritim industri som gjer det overraskande godt. 

Referat av Lidun Hareide/Sekretær

Link til fullt møtereferat (for medlemmer)

Publisert av Stig Borgundvåg 14. oktober 2019