Nyhetsdetaljer | Ulstein Rotaryklubb

Ingunn Røyset heldt ein presentasjon av boka si "Brevet frå krigen"

Vårt nye Rotarymedlemm Ingunn Røyset heldt ein spennande presentasjon av boka si Brevet frå krigen.

(Samlaget, 2017)

Boka er ei sakprosabok for ungdom og bygger på verkelege hendingar frå andre verdskrigen. Hovudpersonen er Jorun Emilie Waage, som fortel korleis det var å vekse opp i eit okkupert land.

Jorun var 12 år då krigen starta og budde på ei lita øy i Oslofjorden. Etter krigen gifta Jorun seg med Peder Fritz Waage og flytta til Ulsteinvik. Jorun har i dag blitt 91 år, og var med forfattaren på møtet. Ho skildra med eigne ord korleis det opplevdest å sjå Donau legge frå kai med dei norske jødane 26. november 1942. Og korleis fredsdagane i mai 45 føltest for ei ung jente som i fem år hadde frykta at heimen hennar skulle bli bomba, der han låg på Lindøya, tett inn til sentrum av hovudstaden. Boka Brevet frå krigen er kjøpt inn gjennom den statlege innkjøpsordninga og er å finne i alle biblioteka i landet.

Ingunn Røyset er forfattar av yrke. Ho vart i 2014 medlem av NBU (Forfattarforeininga for norske barne- og ungdomsbokforfattarar) og har gitt ut fem bøker:

Fiskelykke (Barnebok, Samlaget, 2018)
Brevet frå krigen (Ungdomsbok, Samlaget, 2017)
Aldri fred å få (Barnebok, Samlaget, 2015)
Dei et ikkje sjokoladepålegg i krigen (Barnebok, Samlaget, 2014)
Prins Storm (Barnebok, Samlaget, 2013)

I tillegg er ho representert i ein antologi med 18 andre forfattarar frå Møre og Romsdal gitt ut i høve Bokåret i 2019. Ho underviser elles i skrivekunst for barn- og unge og reiser rundt i heile landet med Den kulturelle skulesekken.

Frå 2018 har ho site i Det litterære råd i NBU.

Dei første 11 sidene av "Brevet frå krigen" kan leses her: https://issuu.com/detnorskesamlaget/docs/brevet_fra___krigen/10

Bøkene til Ingunn kan for øvrig bestilles hos Samlaget: https://samlaget.no/collections/ingunn-royset

Les meir om forfatterskapet til Ingunn: https://www.forfatterkatalogen.no/forfattere/ingunn-royset/

9. juni 2026

Fin medlemstilvekst :)

Denne våren har vi fått fleire nye medlemmer, og det er til glede og inspirasjon.

1. juni 2026

Opplæringskontoret for Søre Sunnmøre

Frå ein til fleire kommunar:
Over 700 har fått fagbrev gjennom opplæringskontoret
Sidan starten i 1994 har opplæringskontoret i Hareid vakse seg stort. No hjelper dei rundt 80 lærlingar på vegen mot yrkeslivet.

11. mai 2026

Rotary handlar om å samle seg om det gode, og bidra til varig endring

så då er dugnad ein fin måte i bidra direkte inn i lokalsamfunnet

4. mai 2026

Besøk frå Norske redningshundar i Møre og Romsdal

Eit interessant innblikk i arbeidet, trening, organisering og beredskap

27. april 2026

Besøk til Metizport for å lære meir om e-sport og gaming

Ulstein Rotaryklubb fekk innblikk i profesjonell gaming

Medlemene i Ulstein Rotaryklubb fekk nyleg lære meir om esports og gaming. Dei besøkte Metizport i Herøy for å høyre om deira reise frå eit lokalt prosjekt til ein stor internasjonal organisasjon.