Hilde Marte og Akshat og deres eldste sønn - Her saman med President i Ulstein Rotaryklubb; Bjørn Gunnar Tafjord.
Changing lives
Hilde
Marte er frå Ulsteinvik og Akshat frå Mumbai. Som 17-åring valde Hilde Marte å
reise til Singapore for å vere utvekslingstudent ved United World College. Valet
fall på Singapore fordi ei av besteveninnene, Kari Brandal, hadde flytta til
Singapore året før, og foreldra syntest derfor det var trygt for Hilde Marte å
reise dit. Der møtte ho Akshat, og etter ei tid vart dei kjærestar. Etter at
dei to åra i Singapore var over, hadde dei hadde eit avstandsforhold i fleire
år, medan Akshat studerte i Boston og Hilde Marte i Norge, før dei til slutt
gifta seg. Dei har to gutar, Rian på 10 år og Sebastian 8, og har no vore saman
i 22 år.
India ga
oss ein sjanse til å endre folk sine liv, og vi valde å satse på skule og
sanitær, seier Akshat og Hilde Marte. Skulegang er ein stor fordel som du kan
gje eit barn, og det er det smartaste du kan gjere for å utvikle eit samfunn. Vi
starta alt for 15 år sidan med utdanning. I 2005 observerte ei veninne av Hilde
Marte at det var mange born som jobba for foreldra sine med å tigge på
gangfeltet rett utanfor der ho bodde. Borna var på jobb heile dagen, og fekk
knapt leike. Vi byrja å gå dit tre gongar i veka mellom klokka 17 og 19 for å
leike med borna. Så byrja vi med å hjelpe dei borna som fekk lov for foreldra
inn på lokale skular. Vi hjelpte dei med leksehjelp, og hjelper også jenter med
å kome inn på internatskule for å få dei bort frå gata, og vi vitjar dei og
hjelper dei med leksene. Prosjektet heiter Hamara Foothpath, etter fortauet
prosjektet det oppstod for 15 år sidan.
Sanitærforhold
er også viktig for å endre folk sine liv. Matt Damon sa at du kan aldri endre
fattigdom utan å løyse vatn og sanitærforhalda. Mangel på toalett fører til
mange problem, der det mest openberre er forureining, men også valdtekt er eit
problem når kvinner og barn må gå langt av garde på natta for å kome seg på eit
offentleg toalett. Les meir om farene ved dårlege toalett i Mumbai her: www.theguardian.com
Her er
nokre av prosjekta vi har hatt innanfor sanitær:
Marine Drive toilet: dette er eit jets vacuum toalett
i eit UNESCO-beskytta område. Dei fekk masse merksemd på toalettet. Les meir
her: www.jswrealty.in
Slum toilet: Det første Jets-toalettet i ein slum vart
ferdigstilt i 2017.
Back in the ring: Back in the ring er ein
organisasjon som brukar yoga og arbeid som terapi for tidlegare narkomane og
forbrytarar. Ei gruppe frå organisasjonen reiste til Mumbai og bygde eit offentleg
toalettanlegg. Dei kom tilbake året etter for å reinse ei elv i bykjerna saman
med lokalbefolinga. I tillegg til å faktisk gjere jobben, lærer lokalbefolkinga
også mykje om haldningar. www.backinthering.no
Covid-krisa: ei svoltkrise meir enn ei
viruskrise
I India
lever fleire millionar menneske av dagslønn, og har greidd seg godt og levd
verdige liv fram til Covid-19 utbrotet. Dette gjeld mange yrkesgrupper, som
handverkarar, frisørar, hushjelper o.sb. Då samfunnet stengte, sat dei der utan pengar til å kjøpe
mat. Covid-krisa er difor meir ei svoltkrise enn ei viruskrise i India, og vi tenkte
at vi måtte gjere noko. First byrja vi å levere ut varme måltid i dei verst
råka områda i Mumbai, men vi endra dette seinare til å gje matpakkar for heile
familier for to veker, så dei kan halde seg heime og lage maten sjølv. Etterpå
har vi endra til at ein kan adoptere ei familie i tre månadar, for å gje folk tryggleik
over tid. Det er viktig å la folk få halde på verdigheita.
Vi tenkte
at vi skulle samle inn eit par hundre tusen kroner, men har no samla inn 9
millionar NOK på dei to siste månadane.
4.5
millionar måltid er delte ut, og 200 000
liv er forbetra.
Krisa er ikkje over i Mumbai, ho eskalerer
enno. Covidtala stig veldig – men økonomien er vanskeleg, folk svelt, og
styresmaktene vil opne oppatt byen for å hindre hungersnaud. Det er spanande tider, og all hjelp
trengst.
Vårt motto er: You make a living by what you get… but you make a life
by what you give.
Foredrag av Rotary-medlem Johan Ottesen, som har skrive om slaget ved Hjørungavåg i boka *The Jomsviking Battle*. Johan Ottesen har presentert ulike teoriar om kvar slaget fann stad.
Ulstein Rotary hadde nyleg eit møte der temaet var svindel og økonomisk tryggleik. Møtet vart halde i det moderne bygget Millenium på Hareid. med Ellen Kvalsund
På kveldens møte hadde vi den æra å høyre Yrjar Garshol fortelje om sitt engasjement for Ukraina gjennom organisasjonen Fritt Ukraina. I over to år har Yrjar vore ein aktiv deltakar i dette viktige arbeidet, som har som mål å støtte det ukrainske folket i
Ulstein Rotaryklubb samla seg til eit innhaldsrikt møte på Ulstein Hotell, der godt frammøte vitna om stor interesse for kveldens tema. Kjell Olav Kleppe tok forsamlinga med på ei eventyrleg reise til Antarktis .
Hovudinnslaget denne gongen var eit spennande foredrag av Bjørn Roppen, som representerte selskapet Ava Ocean. Roppen delte innsikt i korleis dei har utvikla teknologi for å plukke kamskjel på ein meir skånsam og miljøvenleg måte.
Under eit engasjerande møte i Ulstein Rotaryklubb heldt arkeolog Arve Eiken Nytun eit lærerikt foredrag om forminne i regionen, frå steinalderen til mellomalderen.
