Gir du et bidrag på 100 kroner så gir Bill Gates Foundation 200kr ekstra, slik at du totalt faktisk bidrar med 300kr! - GI DITT BIDRAG PÅ VIPPS NUMMER 562340
Poliomyelitis, eller polio, er ein sjukdom som lammar og drep born.
Polioviruset invaderer nervesystemet og kan gjere at barnet vert heilt
paralysert på få timar. Menneske i alle aldrar kan få polio, men primært råkar
sjukdommen born under fem år. Det finst ingen kur mot polio, men vi har effektive
vaksiner. Rotary har vore aktiv i å nedkjempe polio sidan 1978. I 1988 var det
350.000 tilfelle fordelt over 124 land, og 1000 nye born vart smitta kvar
einaste dag.
No er polio er utrydda i 99,9% av verda. Kun to land har no
smitte: Afghanistan og Pakistan. Dette er land Noreg har mykje kontakt med, og
smitta er difor kun ei flyreise unna. Du kan vere smitteberar utan å få
sjukdommen sjølv.
På verdas poliodag markerer Ulstein Rotaryklubb at kampen mot
polio enno ikkje er vunnen. Vi sel pins, delar ut foldarar og informasjon, og
tek imot pengegåver til kampen mot polio på Amfi Ulsteinvik mellom kl. 12 og
14.
Til no har Rotary samla inn meir enn 2,5 milliardar dollar til
kampen mot polio, og vi gir oss ikkje før kampen er vunnen. Med på laget har vi
store navn som Bill & Melinda Gates Foundation. For å vinne kampen må vi
vaksinere 430 millionar born og unge årleg, og vaksne må hugse å revaksinere
seg. Hugs at poliovaksinen varer kun i 10 år!
