Dagfinn Olav Bye, Ståle Helvik og Jan Ove Ulstein held orientering om det fantastiske Kyrkjebakkespelet dei skal ha på Sjøborg til neste år!
Kyrkjebakkespel er historiske spel.
Dei samtalte og fortalde om kyrkjebakkespelet for Ulstein.
Det var ein svært interessant time med informasjon om eit spennande prosjekt, som dersom alt går etter planen, skal framførast 19.03.2022.
Jan Ove har skrive manuset der ein går langt tilbake i tid, religion/heidendom/kristendom og natur er sentralt. Pasjonsspel med utgangspunkt i Ulstein gamle kyrkjegard. Spelet er lagt til tida rundt 1840. Dette var eit brutalt samfunn. Alt som er med kunne ha skjedd, men ingenting er historisk.
Ståle står for organiseringa, m.a. få tak i folk til dei ulike rollene, og ansvarleg for tilpassing av musikken som Henning Sommero har komponert, kor /solistar m.m.
Dagfinn Olav har regien. Han skal setje saman dette kyrkjebakkespelet, som er eit svært omfattande opplegg.
Her skal ein ha med lokale personar til å gå inn i ulike roller, her er mykje musikk med solistar og eit kor. Det skal filmast/takast bilde, der Ulstein gamle kyrkjegard har ei sentral rolle.
Framsyninga skal vere på Sjøborg med aktørar i ulike viktige roller, og song med solistar og koret, der det som er filma skal syast saman med det som skjer der og då. Dagfinn Olav har ansvar for dette. Operaen i Nordfjord hjelper til med kostymer.
Referat: Eldrid Anne Vik (Sekretær) / Foto:Jan Einar Saunes
