Nyhetsdetaljer | Ulstein Rotaryklubb

Kick-off Rotaryåret 2021/2022

President Thor Martin Eidem orienterte om planane i året som kjem - Årets motto er "Serve to Change Lives"

Den nye presidenten,Thor Martin Eidem, starta med å ønske alle velkomen og ga deretter ein presentasjon av seg sjølv og si varierte yrkeskarriere.

Presidenten ga ei orientering frå Ulstein Rotaryklubb sitt klubbmøte med distriktsguvernøren, Hans Olav Osbakk, 23. august på Hareid.

I nemnde møte vart det gitt ein presentasjon av klubben vår, prosjekta våre og kva mål og planar vi har for Rotaryåret 2021/ 2022. Ulstein Rotaryklubb har 44 medlemmer, derav 9 kvinner.

Distriktsguvernøren ga gode tilbakemeldingar på klubben sitt arbeide. Distriktsguvernøren er oppteken av medlemsrekruttering, og meiner det er positivt at Ulstein Rotaryklubb har eit så høgt fokus på dette. Han understreka også viktigheita av å skape gode opplevelser i klubben for å ta vare på dei medlemmane ein allereie har.

Under fellesmøtet med Hareid og Herøy, peikte eit medlem på at vi burde ha større fokus på å rekruttere medlemmer frå andre land og kulturar. Presidenten oppmoda klubben om å ha fokus på dette.

Presidenten har lagt inn følgande mål og planar for klubben i Club Central:

• Auke medlemstalet: frå 44 til 50

• Deltaking dugnadsprosjekt: 15 personar

• Fadderordning: 6 personar

• Deltaking på styreseminar: 6 personar

• Opplæring styreseminar: 3 personar

• Deltaking på distriktskonferansen: 6 personar

• Donasjon til «The Rotary Foundation»: USD 750/ 6200 NOK

• Lokalt prosjekt: Rotaryhagen

• Deltaking RYLA: 2 personar

• Sosialt samvær: 4 (2 stk. per halvår)

• Oppdatering heimeside +Facebook: 4

• Omtalar i media: 2 stk.

Styret for Rotaryåret 2021/ 2022

Presidenten ga medlemmane ein presentasjon av klubben sitt styre for Rotaryåret 2021/2022:

Thor Martin Eidem President

Lidun Hareide Avtroppande president

Kjell Olav Kleppe Innkomande president

Ingunn Hestnes Skrivar

Synnøve Riise Kasserar

Arnfinn Leif Godø Leiar av programkomiteen

Program

Presidenten og leiar av programkomiteen presenterte sitt utkast til program for hausten. Formålet med årets program er å ha eit godt program, som bidreg til å utvikle fellesskapet i klubben.

Revidert program vert lagt ut på klubben sine heimesider snarast råd.

Komitear

Presidenten presenterte sitt forslag til komitear, komiteleiarar og medlemmar. Sekretæren legg inn endeleg oversikt i medlemsnett.

«Rotaryhagen» – status og vegen vidare

Presidenten og avtroppande president ga ei statusoppdatering av prosjektet «Rotaryhagen» og kva arbeid som står att.

Klubben har per dato 160 000 kroner tilgjengeleg i prosjektmidlar, og har fått signal frå både Sparebank1 og Saniteten om at vi kan søke om meir støtte.

Medlemmane støtta styret sitt forslag om å få sett opp ei utestove i hagen i haust. Avtroppande president tek kontakt med Møre Royal for å forhandle på pris (sponsing?).

Dugnader hausten 2021 Planen er at ein i løpet hausten 2021 skal setje opp fleire blomsterkasser og potter, i tillegg til å plante blomsterlaukar i eksisterande kummar og kasser. Hagen må også ryddast og klargjerast for vinteren.

Planlagde prosjekt i hagen våren 2022 er mellom andre:

• Lage «kike-kasser» med tilhøyrande sitjeplasser

• Opparbeide ei skråning ved inngongspartiet (Rhodondendron/ bartre, blåbær etc)

• Opparbeide ein liten dam med ei bru, som kan nyttast til trening