Nyhetsdetaljer | Ulstein Rotaryklubb

Bedriftsbesøk ENTEC Group

CEO Håvard Haanes (t.v.) i ENTEC Group presenterte bedrifta i Saunesmarka, her saman med President URK; Thor Martin Eidem.

Entec Group AS

Ulstein Rotaryklubb vart ønskte velkomne av Entec sin konsernsjef Håvard Haanes, som gav klubben eit engasjerande og spanande foredrag om verksemda.

Entek Group AS er eit teknologiselskap som består av to driftsselsskap: Evotec as og Brimer ServiTech as. Selskapet har 170 tilsette som er omtrentleg likt fordelt på lokasjonane Kvamsøy, Sjøholt og Ulsteinvik. Verksemda er eit vekstselskap og har eit stort fokus på å levere effektive og berekraftige løysingar til sine kundar. Verksemda er representert i mange marknadssegment som: vatn og avlaup, fiskeri og industri, oppdrett, seismikk, offshore, maritimt, forskings og ettermarknad. Selskapet Brimer Servitech AS er eit teknologiselskap med hovudaktivitet knytt til tenester, utstyr og entreprisar retta mot det kommunaltekniske markedet, landbasert oppdrett, og fiskebearbeiding og industri. Dei leverer mellom anna høgdebasseng, glasfibertankar, vatn og avlaupshandsamingsutstyr og rørinstallasjonar, tankssystem for oppdrett på land. Selskapet Evotek leverer i hovudsak utstyr til maritim industri og segmentet akvakultur. Dei leverer handteringssystem som på ein effektiv måte skal sjøsette og få utstyret ombord att på skipa. Dei leverer til dømes «launch and recovery systems» for ROV og AUV, og A-rammer og vinsjar. Verksemda leverer slike system til offshore- og vindskip, og seismikkskip. Dei leverer også til fiskerisektoren, forskingsfartøy, og til forsvarssegmentet. Ettersom nærleik til kunden er viktig for verksemda, tilbyr dei også sine produkt og tenester gjennom eit ettermarknadstilbod, som gjev bistand 24/7. Når det gjeld vidare utvikling og vekstmoglegheiter meiner Haanes at ein fellesnemnar framover vil vere automasjon, overvaking, og digitalisering. Entec Group analyserer heile tida marknadssituasjonen og kva moglegheiter dei har til vidare vekst. Haanes fekk overrekt blomar frå presidenten som takk for gjestfriheita og eit særs engasjerande foredrag.

Meir informasjon om verksemda finn du her: https://entec.no/

Sikter mot børs og milliardomsetning