KVINNEDAGEN 8 mars 2024
Også i år var det markering på SUFH for å markere kvinnedagen. Kvinnene i Hareid og Ulstein stimla til kvinnedagsmarkeringa fredagskvelden, i regi av Ulstein Rotaryklubb.
Kvinnedagen den 8. mars 2024 vart markert på ein minneverdig måte i Ulsteinvik.
Ragnhild Velsvik Berge var programleiar for arrangementet, der Synnøve Riise og Elisabeth Tuvnes gav informasjon om Rotary og dei pågåande prosjekta i klubben og internasjonalt.
Ingrid Nerhoel imponerte med song og spel. Det var også ho som akkompagnerte då det var allsong av «Barn av regnbuen».
Ingrid Nerhoel
Hovudtalar var direktør frå NHO Møre og Romsdal. Lene Trude Solheim delte personlege motivasjonar og yrkesval, og ho vart høgt æra med Kvinneprisen 2024 som eit inspirerande førebilete for andre kvinner.
Ho har eit brennande engasjement for likestilling og likeverd, mangfald og inkludering. Føredraget handla om hennar fire store førebilete, og korleis dei har vore med på å påverke henne. Det er Anne Cath. Vestly, Fredrikke Qvam, Henrik Ibsen og Faten Lubani.
Årets prisvinnar er ein pådrivar som heiar fram og er med på å synleggjere sterke og dyktige kvinnelege leiarar i tradisjonelt mannsdominerte roller. Ho har gode evner og innsikt i å bygge nettverk, er eit førebilete, ein inspirator og motivator for andre kvinner til å ta neste steget på karrierestigen.
Korgruppa CorSonus gav ein fantastisk opptreden før det vart servert kaffe, kaker og smørbrød.
Eli Skåtun delte informasjon om Live Åtte sitt prosjekt for funksjonshemma i Nepal, som vil nyte godt av overskotet frå arrangementet.
Eli Skåtun
Hallgerd Conradi heldt ein appell på vegner av Amnestygruppene i Hareid og Ulstein. Ho var innom overgrepa som skjer i Gaza, og heldt ein orientering og underskriftsaksjon mot kvinneundertrykking i Afghanistan.
Hallgerd Conradi
Thor Martim Eidem og Bjørn Gunnar Tafjord stod for billettsal.
Det vart også arrangert loddtrekning med flotte gevinstar frå lokale sponsorar som Kongsberg, Sjøgt Tannklinikk og Nordbelegg.
Synnøve Overvåg, Monica Tuvnes Koppen, Sølvi Aarseth Mork og Eldrid Anne Vik solgte lodd.
Arrangementet, som vart arrangert av den dyktige 8. mars komiteen i Ulstein Rotary, var ein suksess takka vere engasjerte deltakarar. Ulstein Rotary fekk mykje god omtale i media.
Ragnhild Velsvik Berge overleverte stafettpinnen til Tverrpolitisk kvinnegruppe 1975, som skal arrangere 8. mars-markeringa i 2025.
Stor takk til Jan Einar Saunes som på vegne av klubben stilte opp som fotograf.
Stor takk til Thor Martim Eidem og Bjørn Gunnar Tafjord for billettsal.
Stor takk til vår President Stig Ole Borgunvåg som tok seg av det tekniske (lyd og bilete).
22. juni 2026
Ragnhild Velsvik Berge er ny Rotary-president
Ulstein Rotaryklubb markerte måndag 22. juni det årlege presidentskiftet med rekordstort oppmøte på Kråen Gard i Sande.
15. juni 2026
Bursdagsfest og president,- og guvernørskifte i Herøy
Herøy Rotaryklubb hadde ei fin markering av sitt 60-års jubileum.
9. juni 2026
Fin medlemstilvekst :)
Denne våren har vi fått fleire nye medlemmer, og det er til glede og inspirasjon.
1. juni 2026
Opplæringskontoret for Søre Sunnmøre
Frå ein til fleire kommunar:
Over 700 har fått fagbrev gjennom opplæringskontoret
Sidan starten i 1994 har opplæringskontoret i Hareid vakse seg stort. No hjelper dei rundt 80 lærlingar på vegen mot yrkeslivet.
11. mai 2026
Rotary handlar om å samle seg om det gode, og bidra til varig endring
så då er dugnad ein fin måte i bidra direkte inn i lokalsamfunnet
4. mai 2026
Besøk frå Norske redningshundar i Møre og Romsdal
Eit interessant innblikk i arbeidet, trening, organisering og beredskap
27. april 2026
Besøk til Metizport for å lære meir om e-sport og gaming
Ulstein Rotaryklubb fekk innblikk i profesjonell gaming
Medlemene i Ulstein Rotaryklubb fekk nyleg lære meir om esports og gaming. Dei besøkte Metizport i Herøy for å høyre om deira reise frå eit lokalt prosjekt til ein stor internasjonal organisasjon.
13. april 2026
Vil du skal kjenne deg herifrå..
Vil verte «Finn.no» for reiselivet: Nytt lokalt selskap i gang på Hareid
23. mars 2026
Orientering om Ulstein vidaregåande skule
Besøk frå skulen ga oss verdifult innblikk i skulen og framtidsperspektivet