Under ei høgtideleg seremoni måndag 24. juni fekk Hareid Rotaryklubb og Ulstein Rotaryklubb to nye presidentar. Astrid Velle tok over roret i Hareid, medan Thor Martin Eidem, ein veteran i Ulstein Rotaryklubb, igjen tok på seg ansvaret som president. Ove Midtflø og Stig Ole Borgundvåg overleverte stafettpinnen til Astrid Velle i Hareid Rotaryklubb og Thor Martin Eidem i Ulstein Rotaryklubb etter eit år med leiaransvar. For Ulstein Rotaryklubb markerer dette ei historisk hending, då det er tredje gong Eidem sit som president, etter to tidlegare periodar med solid leiarskap.
Ny President Thor Martin Eidem (til høgre) takkar Stig Ole Borgundvåg og rosar han for innsatsen.
Ove Midflø gratulerer Astrid Velle som ny President i Hareid Rotaryklubb
Men det var ikkje berre presidentskifte denne dagen. Guvernørvervet i Distrikt 2305 gjekk også over til nye hender. Lidun Hareide tok over som Guvernør etter Anders Anderson. Under den storslåtte seremonien mottok Hareide klubba og kjeda, og ho vil no leie Rotary distrikt 2305, eit distrikt som strekkjer seg frå dei pittoreske fjordane i Sunnmøre og Romsdal til den svenske grensa ved Eda i Värmland. Med sine rundt 1500 medlemmar, er dette eit stort ansvar, men Hareide skriv historie som den første kvinna frå vårt område til å tre inn i denne rolla. Som Guvernør vil Lidun vere Rotary International sin representant i distriktet og ei støtte for klubbane.
Anders Anderson som høgtidleg gir klubba og kjeda til Lidun Hareide og gratulerer med rolla som Guvernør
Vi takkar Ove Midtflø, Stig Ole Borgundvåg og Anders Anderson for deira store innsats, og ønskjer Astrid Velle, Thor Martin Eidem og Lidun Hareide lykke til i deira nye roller som Presidentar og Guvernør. Deira engasjement og leiarskap vil utvilsamt føre Rotary-klubbane våre inn i ein spanande framtid.
Bilete: Jan Einar Saunes og Synnøve Riise
