Nyhetsdetaljer | Ulstein Rotaryklubb

Vellukka kveld på Tussatunet i Ørsta

Måndag 02.09.2024 var det arrangert av TUSSA Konsern og Tussa IKT for Ulstein Rotary ein vellukka kveld på Tussatunet i Ørsta, frå klokka 19.00 til 20.30.

Kvelden starta med at marknadssjef i Tussa IKT, Steinar Hauge, ynskte oss velkomne med kaffi og marsipankake. Han presenterte konsernet Tussa og tok oss med på ei reise gjennom historia heilt frå starten i 1949 fram til dagens drift. Trass utfordringar i eit krevjande marknad, har konsernet utvikla seg godt. Tussa har opparbeidd seg eit solid renommé som ein betydeleg aktør på Sunnmøre og i Nordfjord, noko dei har ambisjonar om å halde fram med.

Tussa IKT, Steinar Hauge, ynskte oss velkomne med kaffi og marsipankake

CISO (sikkerheitsleiar) i Tussa IKT, Vigleik Hustadnes, heldt eit engasjerande foredrag om dei mange sikkerheitsutfordringane knytt til IT-system som bedrifter nyttar. Han understreka korleis mange potensielle problem kan oppstå, og kor viktig det er å ha kunnskap og verktøy for å redusere risikoen. Tussa IKT tilbyr både kompetanse og løysingar for å handtere slike utfordringar, og Hustadnes presiserte også nødvendigheita av å vere godt førebudd dersom ein krisesituasjon skulle oppstå.

Etter foredraget fekk vi ei omvising i datarommet og tilhøyrande fasilitetar som sikrar stabile leveransar både internt og for kundane. Anlegget, som vart etablert i 2015, har gjennomgått kontinuerleg utvikling med ny teknologi. Vi fekk sjå arbeidsplassar utstyrt med skjermar, telefonar og overvakingssystem samt fysisk sikra rom med back-up-løysingar for både straumforsyning og kjøling.

Det var ein lærerik kveld med fokus på både IT-sikkerheit og straumforsyning.

Thor Martin avslutta med å takke for ei interessant foredrag og overrekte boka «Sunnmørskyrkjene – Historie, kunst og arkitektur» til føredragshaldarane.

marknadssjef Steinar Hauge, Ulstein Rotary President Thor Martin Eidem og sikkerheitsleiar Vigleik Hustadnes.

FOTO: Jan Einar Saunes

10. mars 2025

UNNGÅ SVINDEL

Ulstein Rotary hadde nyleg eit møte der temaet var svindel og økonomisk tryggleik. Møtet vart halde i det moderne bygget Millenium på Hareid. med Ellen Kvalsund

10. februar 2025

Yrjar Garshol fortel om sitt arbeid med Ukraina Hjelp

På kveldens møte hadde vi den æra å høyre Yrjar Garshol fortelje om sitt engasjement for Ukraina gjennom organisasjonen Fritt Ukraina. I over to år har Yrjar vore ein aktiv deltakar i dette viktige arbeidet, som har som mål å støtte det ukrainske folket i