Ulstein kommune med fokus på flyktningarbeid
Den 4. november møtte Ulstein Rotaryklubb til eit interessant foredrag på Reiten 22, der Lars Erling Bjåstad var invitert til å fortelje om korleis Ulstein kommune jobbar med flyktningar og integrering. President Thor Martin Eidem opna møtet og la vekt på klubben sitt sterke engasjement for å støtte. Han minte også om tidlegare tiltak, som fisketuren klubben fekk ta del i. Ei oppleving som både deltakarane og medlemmene såg tilbake på med glede.
Medlemmer frå Ulstein Rotaryklubb
Inkludering og mangfald som nasjonalt og politisk tema. Lars Erling Bjåstad tok oss med på ei reise gjennom det politiske landskapet når det gjeld inkludering og mangfald, og understreka kor viktig dette temaet er – både lokalt og nasjonalt. Han delte innsikt i korleis kommunen aktivt jobbar med desse problemstillingane, og inviterte til spørsmål frå salen undervegs. Diskusjonen gav medlemmene i klubben høve til å få betre innsikt i dei komplekse utfordringane og moglegheitene i arbeidet med flyktningar.
Historiske perspektiv og dagens situasjon. Bjåstad drog linjer tilbake til asylmottaket som vart etablert på Hareid i 1991/1992, og korleis flyktningsituasjonen har utvikla seg sidan då. Han presenterte også eit oppdatert bilete av situasjonen i dag, der han viste til korleis det globale flyktningbilde påverkar både Hareid og Ulstein kommune. I 2022 kom det rundt 200 flyktningar frå Ukraina til området, og ved inngangen til 2024 var det registrert 1378 innvandrarar i Ulstein kommune.
Fagomgrep og nasjonale trendar. Gjennom foredraget fekk deltakarane lære meir om ulike fagomgrep som er sentrale i flyktningarbeidet:
Bebuarar på asylmottak – Personar som ventar på behandling av asylsøknaden sin.
Alternativ mottaksplassering (AMOT) – Mottaksplassering utanom ordinære mottak. Busett etter avtale mellom kommune og IMDi.
Busett flyktning – Flyktningar som har fått permanent opphald og er busett i ein kommune.
Overføringsflyktning/kvoteflyktning – Flyktningar som blir overførte gjennom internasjonale avtalar.
Kollektiv vern – ordinær asylsøkar – Asylsøkarar som har søkt vern under nasjonale og internasjonale reglar.
Bjåstad gav ei oversikt over nasjonale trender og korleis desse påverkar lokale tiltak i Ulstein. Han understreka spesielt kor viktig det er å få flyktningar ut i arbeid, og korleis dette bidrar til både integrering og samfunnsutvikling.
"It takes a village to raise a child" – avslutning med fokus på inkludering Møtet vart avslutta med ein sterk påminning om betydninga av fellesskap og inkluderande haldningar. Bjåstad brukte uttrykket "It takes a village to raise a child" for å illustrere korleis alle i lokalsamfunnet kan bidra for å skape gode vilkår for integrering. Medlemmene i Ulstein Rotaryklubb uttrykte stor takksemd for den kunnskapsrike presentasjonen og dei verdifulle innsiktene.
President Thor Martin Eidem takkar Lars Erling Bjåstad Hovlid for ein lærerik kveld
Ulstein Rotaryklubb ser fram til å halde fram sitt engasjement i integreringsarbeidet og å vere ein aktiv medspelar i lokalsamfunnet.
Foto: Jan Einar Saunes og Synnøve Riise
22. juni 2026
Ragnhild Velsvik Berge er ny Rotary-president
Ulstein Rotaryklubb markerte måndag 22. juni det årlege presidentskiftet med rekordstort oppmøte på Kråen Gard i Sande.
15. juni 2026
Bursdagsfest og president,- og guvernørskifte i Herøy
Herøy Rotaryklubb hadde ei fin markering av sitt 60-års jubileum.
9. juni 2026
Fin medlemstilvekst :)
Denne våren har vi fått fleire nye medlemmer, og det er til glede og inspirasjon.
1. juni 2026
Opplæringskontoret for Søre Sunnmøre
Frå ein til fleire kommunar:
Over 700 har fått fagbrev gjennom opplæringskontoret
Sidan starten i 1994 har opplæringskontoret i Hareid vakse seg stort. No hjelper dei rundt 80 lærlingar på vegen mot yrkeslivet.
11. mai 2026
Rotary handlar om å samle seg om det gode, og bidra til varig endring
så då er dugnad ein fin måte i bidra direkte inn i lokalsamfunnet
4. mai 2026
Besøk frå Norske redningshundar i Møre og Romsdal
Eit interessant innblikk i arbeidet, trening, organisering og beredskap
27. april 2026
Besøk til Metizport for å lære meir om e-sport og gaming
Ulstein Rotaryklubb fekk innblikk i profesjonell gaming
Medlemene i Ulstein Rotaryklubb fekk nyleg lære meir om esports og gaming. Dei besøkte Metizport i Herøy for å høyre om deira reise frå eit lokalt prosjekt til ein stor internasjonal organisasjon.
13. april 2026
Vil du skal kjenne deg herifrå..
Vil verte «Finn.no» for reiselivet: Nytt lokalt selskap i gang på Hareid
23. mars 2026
Orientering om Ulstein vidaregåande skule
Besøk frå skulen ga oss verdifult innblikk i skulen og framtidsperspektivet