Ordførar med innsiktsfullt foredrag om kommuneøkonomi og beredskap
Ulstein Rotaryklubb fekk måndag 19. mai besøk av ordførar Stian Skorgen Scheide, som heldt eit engasjerande og innsiktsfullt foredrag om tilstanden og utviklinga i Ulstein kommune – med særleg vekt på økonomi, demografi og beredskap.
Ordføraren informerte forsamlinga om dei økonomiske realitetane kommunen står i, med særleg fokus på perioden 2016–2025. Gjennom ei sektorvis oversikt synte han korleis utgiftsbehovet har utvikla seg, og kva område som legg størst beslag på budsjettet. Grunnskule og pleie og omsorg er dei to største utgiftspostane – ein trend som ser ut til å halde fram i åra som kjem.
Scheide løfta og fram utfordringane knytt til befolkningsutviklinga, og viste til framskrivingar heilt fram til 2035. Det vart peika på korleis endringar i alderssamansetting påverkar behovet for tenester, og korleis ein veksande del eldre i befolkninga vil stille høgare krav til kommunen si evne til å levere helse- og omsorgstenester.
For barn og unge kunne ordføraren vise til at det vert forventa vekst dei komande åra, noko som vil krevje auka kapasitet og ressursar i både barnehage og skule.
I tillegg var beredskap eit viktig tema. Scheide understreka behovet for robust planlegging og førebuing, og korleis kommunen jobbar for å stå best mogleg rusta i møte med uforutsette hendingar.
Foredraget vart godt motteke blant dei frammøtte, og det var tydeleg at ordføraren sitt engasjement og kunnskap skapte refleksjon.
Ordførar Stian Skorgen Scheide og tidligere President Stig Ole Borgundvåg.
Ulstein Rotaryklubb takkar for besøket, og ser fram til vidare dialog og samarbeid med kommunen.
Bilete: Synnnøve Riise
10. september 2018
Lisjevanthuken er ferdig! :)
Lisjevatnhuken ferdig i kveld rett før vi mørkna ute. Bord, benkar og steingolv vart fint.
Topp arbeidslyst med god kaffi og vafler til.
3. september 2018
Dugnad Lisjevatnhuken!
Lisjevatnhuken dugnad i kveld med legging av heller.
God kaffi og kaker fra Turid og Voitto.
27. august 2018
Foredrag med Gerd Vik Flø
Foredrag med Gerd Vik Flø om barneheimen Suwalkis Venner og overrekking av overskot frå lotteriet forrige møte.
20. august 2018
Då er vi klare til å starte opp Rotaryåret 2018/2019
Inviterer til kaffimøte måndag 20.08.18 kl. 19:00-20:00 på Quality Ulstein Hotell.
Program:
Deling av gode ferieminner
Forventingar til det nye året
Vinlotteri til inntekt for Suvalkis Venner.
3. juli 2018
Nok ein vellukka dugnad ved Lisjevatnhuken
Nok ein vellukka dugnad med beising, ny takrenne, møbelmontering og hellesanking. I matpausa vanka det nybakt kveitekringle a la Gro Brandal!
25. juni 2018
Presidentskifte!
Då takkar president 2017/2018 -Synnøve Riise - for eit kjekt og berikande Rotary år og overlet stafettpinnen til Finn-Ove Kvalsvik. Lykke til!
18. juni 2018
Fast monterte benkar med bord på Bugardshuken!
Fast monterte benkar med bord.
God stemning i dugnadsgjengen og President Synnøve serverte kaffi med gode wienerbrød.
11. juni 2018
Gapahuk Lisjevatnet ferdig og riggar fint.
Gapahuk Lisjevatnet ferdig og riggar fint. Dugnad på benkar og steinlegging står att.
Dette vart flott og gav god livd for nordavinden.
Høg motivasjon og god stemning i Dugnadsgjengen.
4. juni 2018
Dugnad på Lisjevatnhuken i kveldsol og frisk nordavind.
Idar Overvåg hjalp til på dugnaden som representant fra Skeide Grunneigarlag.
Dette byrjar å rigge pent i landskapet.
Det ble servert god kaffi med kaker, som seg hør og bør!