SISTE NYTT FRÅ KLUBBEN FOR DENNE PERIODA
Ulstein Rotary Klubb heldt medlemsmøte måndag 26. mai 2025, der fleire viktige saker vart drøfta og vedtekne. Møtet markerte starten på avslutninga av Rotary-året 2024/2025 og førebuingane til det komande året.
President Thor Martin Eidem med orientering om dugnad og kaffimøte.
Nytt styre valt for perioden 2025–2026
På møtet vart det valt nytt styre for Rotary-året 2025–2026, og styret er no klart til å ta over frå og med sommaren.
Presidentskifte 16. juni
Det årlege presidentskiftet vert gjennomført måndag 16. juni 2025, frå kl. 19:00 til 21:00, på Quality Hotel Ulstein. Det vert ei markering med middag og sosialt samvær. Medlemmane dekkjer sjølve utgiftene denne kvelden. Alle vert oppmoda til å møte for å takke av avtroppande president og ønske den nye velkomen.
Omframt årsmøte
Presidenten informerte om omframt årsmøte som del av medlemsmøtet. Meir informasjon om vedtak og saksliste vert sendt ut til medlemmane i eiga melding.
Guvernørbesøk i oktober
Måndag 6. oktober er sett av til det årlege guvernørbesøket. Dette er ein viktig del av Rotary sitt arbeid, og det er ønskjeleg at flest mogleg medlemmar deltek. Nærare informasjon om programmet kjem når det nærmar seg.
Dugnaden avlyst grunna vêret
Den planlagde dugnaden med beising av gapahukane må dessverre utsetjast grunna dårlege vêrmeldingar. Klubben vil vurdere ny dato når vêrsituasjonen tillet det.
Invitasjon frå Ålesund Øst Rotary Klubb
Ulstein Rotary Klubb er invitert til møte i Ålesund Øst Rotary Klubb onsdag 4. juni 2025. Temaet for møtet er den geopolitiske situasjonen, og foredragshaldar er stabssjef Hans-Martin Grindseth frå Politiet. Presidenten vil sende ut invitasjon med praktisk informasjon til alle medlemmar. Dette er ei god moglegheit for fagleg påfyll og nettverksbygging med andre Rotary-klubbar i regionen.
Foto: Jan Einar Saunes
10. mars 2025
UNNGÅ SVINDEL
Ulstein Rotary hadde nyleg eit møte der temaet var svindel og økonomisk tryggleik. Møtet vart halde i det moderne bygget Millenium på Hareid. med Ellen Kvalsund
10. februar 2025
Yrjar Garshol fortel om sitt arbeid med Ukraina Hjelp
På kveldens møte hadde vi den æra å høyre Yrjar Garshol fortelje om sitt engasjement for Ukraina gjennom organisasjonen Fritt Ukraina. I over to år har Yrjar vore ein aktiv deltakar i dette viktige arbeidet, som har som mål å støtte det ukrainske folket i
3. februar 2025
FOREDRAG OM SPENNANDE REISE TIL ANTARKTISK
Ulstein Rotaryklubb samla seg til eit innhaldsrikt møte på Ulstein Hotell, der godt frammøte vitna om stor interesse for kveldens tema. Kjell Olav Kleppe tok forsamlinga med på ei eventyrleg reise til Antarktis .
20. januar 2025
Ava Ocean - Berekraftig fangst av skjel
Hovudinnslaget denne gongen var eit spennande foredrag av Bjørn Roppen, som representerte selskapet Ava Ocean. Roppen delte innsikt i korleis dei har utvikla teknologi for å plukke kamskjel på ein meir skånsam og miljøvenleg måte.
13. januar 2025
Medlemsmøte i Ulstein Rotaryklubb
Måndag 13. januar samla Ulstein Rotaryklubb sine engasjerte medlemmar seg til eit triveleg og inspirerande medlemsmøte.
6. januar 2025
POLARIE TRAGEDIER DEL II
Vi hadde gleda av å starte året med eit interessant foredrag av Stig Sandanger Riise, som sette søkelys på ein dramatisk del av polarhistoria
2. desember 2024
FORMINNE PÅ VÅRE TRAKTER
Under eit engasjerande møte i Ulstein Rotaryklubb heldt arkeolog Arve Eiken Nytun eit lærerikt foredrag om forminne i regionen, frå steinalderen til mellomalderen.
18. november 2024
Eit bygg for framtida hos Kongsberg Maritime
Ulstein Rotaryklubb på eksklusiv omvisning: Eit bygg for framtida hos Kongsberg Maritime
11. november 2024
Ulstein Rotary kaffimøte den 11-11-2024
Vi samlast for hyggelig kaffimøte i godt lag der Thor Martin Eidem held informasjon frå styremøtet tidlegare på kvelden
4. november 2024
Ulstein kommune med fokus på flyktningarbeid
Den 4. november møtte Ulstein Rotaryklubb til eit interessant foredrag på Reiten 22, der Lars Erling Bjåstad var invitert til å fortelje om korleis Ulstein kommune jobbar med flyktningar og integrering