Nyhetsdetaljer | Ulstein Rotaryklubb

Bedriftsbesøk hos Island Offshore

Trond Hauge og Andre Almestad tok vel imot oss på administrasjonsbygget på Stålhaugen i Ulsteinvik. Dei presenterte selskapet, drifta og aktuelle prosjekt.

Island Offshore er eit rederi i Ulsteinvik som driv med frakt og utleige av skip til offshoreindustrien, spesielt innan olje og gass, men også subsea og havvind. Dei har 48 tilsette i administrasjonsbygget i Ustein. Selskapet tilbyr ulike typer offshorefartøy, som forsyningsskip (PSV), ankerhåndteringsfartøy (AHTS), og subsea-fartøy. Dei har hatt ei positiv utvikling med fleire kontrakter innan dei ulike segmenta. Dei har konsentert aktiviteten sin rundt seks ulike segment, for når det er stillstand i det eine er det ofte god inntjening i det andre. Og dette varierer.

Dei har stort fokus på utvikling og fornying av båtar og utstyr, og her prioriterer dei å handle lokalt. Nytt, trygt og godt utstyr er viktig for rekruttering, og det same er læringsplassar som dei har satsa sterkt på.

Dei har fokus på omstilling og er langt framme på automatisering og digitalisering. Dette gir enorme datamengder. Utfordringa her er å nyttiggjere seg alle datane, og å ha god nok styringsfart på dette.

Vi takkar for eit interessant og lærerikt besøk.

18. september 2023

Kunstig intelligens AI foredrag med Peder Smart Sefland.

Kunstig intelligens AI foredrag med Peder Smart Sefland. Intercity Møte med Herøy Rotaryklubb på Quality Hotel Ulstein.

15. september 2023

MEDLEMSPRESENTASJON - HEGE LONGVA

Hege Charlotte Longva heldt eit særs interessant medlemspresentasjon som omfatta både familiebakgrunn, utdanningsløp, fritidsinteresser og si satsing på appen NOA. Presidenten avslutta møtet med å gi en skremande forsmak på kva AI-teknologi kan gjere.