Guvernørbesøk
Klubbane i Ulstein, Herøy og Hareid hadde fellesmøte med guvernøren for vårt distrikt. Hareid var vertskap
Guvernør Morten Moe fortalde om Rotary-organisasjonen sin omfattande internasjonale aktivitet. Er du medlem er du velkomen på medlemsmøte over heile verden. Du kan delta i ei mengd med ulike fellowships der du kan treffe folk med like interesser på alle slags tema.
Rotary har 7 fokusområde:
- fredsbygging og konfliktførebygging
- sjukdomsførebygging og behandling
- vatn, sanitær og hygiene
- mødre- og barnehelse
- grunnleggande utdanning og leseferdigheiter
- samfunnsøkonomisk utvikling
- støtte miljøet
Vi er ein interessert samfunnsorganisasjon som er lyttande og informert, uten å ta side. Sidan vi er politisk nøytrale får vi lettare tilgang krigssoner.Vi yter tenester til andre, og fremmer integritet og verdsforståing. Rotary driv fredssenter og tilbod om utdanning på 8 universitet i 7 land. Dette er USA, England, Sverige, Japan, Australia, Uganda og Tyrkia.
Rotary Internasjonal har fleire fond, der avkastninga vert brukt til ulike hjelpetiltak og prosjekt. I det siste har mykje støtte gått til Ukraina, og elles er kampen mot polio ei sak som har stått sterkt i organisasjonen i mange år. Vi vert sterkt oppmoda om å lage lokale arrangement og samle inn pengar også i år.
Årets motto er "unite for good". Det er vanskelig å oversette for det ligg ei dobbel betydning i det. Gå saman for å gjere godt, lenge/alltid.
Elles orienterte dei lokale klubbane om sin aktivitet og sine prosjekt. Felles for alle er at det er eit generasjonsskifte og behov for nyrekruttering. Mykje av medlemskontingenten går til Rotary internasjonal og dei nemnde fokusområda, og det er difor gunstig å ha over 40 medlemmar for også å få rom for lokale prosjekt.
Guvernøren fekk godt fram for ein stor, samansatt og dyktig organisasjon vi er ein del av. Vi har midlar til å hjelpe andre og mange dyktige folk får ting til å skje.
22. juni 2026
Ragnhild Velsvik Berge er ny Rotary-president
Ulstein Rotaryklubb markerte måndag 22. juni det årlege presidentskiftet med rekordstort oppmøte på Kråen Gard i Sande.
15. juni 2026
Bursdagsfest og president,- og guvernørskifte i Herøy
Herøy Rotaryklubb hadde ei fin markering av sitt 60-års jubileum.
9. juni 2026
Fin medlemstilvekst :)
Denne våren har vi fått fleire nye medlemmer, og det er til glede og inspirasjon.
1. juni 2026
Opplæringskontoret for Søre Sunnmøre
Frå ein til fleire kommunar:
Over 700 har fått fagbrev gjennom opplæringskontoret
Sidan starten i 1994 har opplæringskontoret i Hareid vakse seg stort. No hjelper dei rundt 80 lærlingar på vegen mot yrkeslivet.
11. mai 2026
Rotary handlar om å samle seg om det gode, og bidra til varig endring
så då er dugnad ein fin måte i bidra direkte inn i lokalsamfunnet
4. mai 2026
Besøk frå Norske redningshundar i Møre og Romsdal
Eit interessant innblikk i arbeidet, trening, organisering og beredskap
27. april 2026
Besøk til Metizport for å lære meir om e-sport og gaming
Ulstein Rotaryklubb fekk innblikk i profesjonell gaming
Medlemene i Ulstein Rotaryklubb fekk nyleg lære meir om esports og gaming. Dei besøkte Metizport i Herøy for å høyre om deira reise frå eit lokalt prosjekt til ein stor internasjonal organisasjon.
13. april 2026
Vil du skal kjenne deg herifrå..
Vil verte «Finn.no» for reiselivet: Nytt lokalt selskap i gang på Hareid
23. mars 2026
Orientering om Ulstein vidaregåande skule
Besøk frå skulen ga oss verdifult innblikk i skulen og framtidsperspektivet