Styret i Ulstein Rotary hadde møte med DG kl 18 - 19.  Lidun presenterte klubben sine mål og tiltak med ein ppp, der ho greidde ut om om dei ulike tiltaka og måla. Ein god presentasjon av Lidun. DG hadde nokre spørsmål, kommentarar, med alt i alt syntest han det var bra.

KL 20 skulle det vere fellesmøte for alle, så vi hadde 1 time til disposisjon, der styremedlemmene hadde felles middag, spandert av Rotary. Det var ei kjekk stund. Kjekt å kunne sitje i lag og prate.

På fellesmøtet presenterte distriktsguvernør Roald Fiksdal ein del viktige punkt:

Medlemsrekruttering:

• Distriktet jobbar med å utarbeide ein sams velkomstpakke for nye medlemmer i von om dette vil gjere det meir attraktivt/informativt å verte medlem
• Eit forslag til rekruttering kan vere å invitere partnarar/ledsagarar til personar som allereie er medlemmer i klubben
• Distriktets målsetjing er ein andel med 30% kvinnlege medlemmer.
• Ta gjerne temperaturen i alle grupperingar i klubben (kvinner, over/under 50, yrkesaktive og pensjonistar) for innspel om kva som skal til for å engasjere
• Fadderordninga må på plass for å sikre at nye medlemmer ikkje fell frå 

• Eit alternativ til å dele ut Paul Harris til medlemmer, kan godt vere å lage ein tradisjon med utdeling av Årets rotanianar -nål, den som Otto Kjetil og Bjørn Nytun fekk for sin innsats på gapahukane 

• Her må vi søkje pengar til prosjekta våre 

• Denne samlinga er utsett til 08.-09.2020

Publisert av Stig Borgundvåg 14. september 2020