Nyhetsdetaljer | Ulstein Rotaryklubb

Bedriftsbesøk hos Green Yard Kleven

Ulstein Rotaryklubb besøker Green Yard Kleven AS

Måndag 16. september 2024 hadde Ulstein Rotaryklubb gleda av å besøke verftet Green Yard Kleven AS, der Sales Manager Karl Johan Barstad heldt eit engasjerande foredrag om verksemda og verftet si utvikling. Medlemmer fekk også ein omvising på det imponerande anlegget.

Engasjerte Rotarymedlemmar i saman med Karl Johan Barstad frå Green Yard Kleven

Eit moderne verft med berekraft i fokus

Green Yard Kleven AS blei etablert i 2020 og har sidan då gjennomført over 50 prosjekt. Selskapet har spesialisert seg på store ombyggingar, vedlikehald og høgging av gamle båtar. Berekraft står sentralt i drifta, der gjenbruk av materiale og utstyr er ein viktig del av verftstenestene. Verftet er ein del av Green Yard Group AS, eit norsk eigd konsern med fokus på verftsindustrien og resirkulering av metall og skip.

Kleven sin forretningsidé er å bidra i alle fasar av eit skip sitt livsløp, frå nybygging til skraping, noko som gjev verftet ein unik posisjon i marknaden. Dette gjer at dei kan tilby løysingar som er både økonomisk gunstige og miljøvenlege.

Eit imponerande anlegg med framtidstru

Anlegget på Kleven er moderne og omfattande, med fleire store hallar, solide kaier, kontorbygningar og brakker for tilreisande arbeidarar. Karl Johan Barstad peikte på at verftsindustrien ser fram til gode år i tida framover, med auka etterspurnad etter både vedlikehald og ombygging.

Om Green Yard Kleven AS

Green Yard Kleven AS tilbyr eit breitt spekter av tenester innan vedlikehald, ombygging og resirkulering av skip. Selskapet har høg kompetanse innan tekniske løysingar og legg vekt på å redusere miljøavtrykket gjennom heile livsløpet til skipa. Med moderne fasilitetar og eit høgt fokus på berekraft, er dei ein viktig bidragsytar til den grøne omstillinga innan skipsfarten.

Medlemsmøtet vart avslutta med at Ulstein Rotaryklubb takka for omvisinga og ønska Green Yard Kleven AS lykke til med den vidare utviklinga. Verftet har allereie etablert seg som ein viktig aktør innan berekraftige løysingar for verftsindustrien, og det er spennande tider i vente for den norske maritime sektoren.