Medlemsmøte med ymse orientering
Kaffemøte med ymse orientering som er verdt å merke seg framover.
Opning av møtet
Møtet vart opna av Thor Martin Eidem, som vedkjente at han ligg litt bakpå grunna distriktskonferansen, men lova å ha komiteane klare til neste medlemsmøte 4. november 2024.
Vellukka distriktskonferanse 27.–29. september 2024
Medlemmane som deltok på distriktskonferansen var samde om at arrangementet vart svært vellukka. Dei rosa særleg den praktiske komiteen, som hadde god kontroll på alt frå registrering til oppfølging av gjestar. Stig Ole Borgundvåg fekk mykje skryt for si rolle som arrangør av Walk & Talk, i tillegg til å sikre flyten i programmet i tett dialog med lyd- og lysansvarleg. Dagfinn Olav Bye leia banketten med stø hand, medan Thor Martin Eidem fekk gode tilbakemeldingar som leiar gjennom heile konferansen. Ikkje minst ein stor takk til vår eminente fotograf Jan Einar Saunes for gode bilete.
Kjell Olav Kleppe vart framheva som ein helt for å ha ansvaret for transporten av Embla. Samla sett bidrog dette til at Ulstein Rotaryklubb og Ulsteinvik fekk vist seg frå si beste side. Det høge deltakartalet kan òg tilskrivast den solide promoteringa utført av praktisk komité. I tillegg har DG fremma distrikstkonferansa på samlingar.
Strandryddingsaksjon 20. oktober 2024
Aksjonen kolliderte noko med årets TV-aksjon, men med strålande haustvêr og blikkstille hav vart det ein flott dag. Totalt møtte 9 vaksne og 4 born opp for å bidra til ryddinga. Synnøve Riise publiserte innlegg om aksjonen på Facebook, medan Stig Ole Borgundvåg og Thor Martin Eidem rapporterte inn fangsten via Rydde Norge-appen for å sikre godtgjersle.
PolioPlus-aksjon 24. oktober 2024
Thor Martin Eidem kunngjorde at det er avtalt med Ståle Hatløy om å lyse opp Mylna, som tidlegare år, med bensindrive aggregat og kraftige lamper. Synnøve Riise har oppretta ein VIPPS QR-kode, og det vil vere behov for 4-8 frivillige til å rigge opp og halde vakt på kveldstid, samt bemanne Blåhuset med rollup på dagtid for å selje poliopennar til inntekt for PolioPlus-aksjonen. Pris for pennane er kr 100,-.
Som klubb syns vi det er kjekt å sjå at andre klubbar i Distriktet også er med på å lyse opp bygg.
Bacalao Sharing på Willys Gourmet 25. oktober 2024
Det vart minna om påmeldings- og betalingsfristen som er 21. oktober. Under møtet var det 16 påmelde, inkludert følgje, og det er plass til totalt 20 personar. Ragnhild Velsvik Berge vil skape gode rammer for arrangementet, og oppmoda om at medlemmane kan bidra med underhaldning i form av gode historier for å skape ei hyggeleg atmosfære.
Besøk av distriktsguvernøren 28. oktober 2024
Møtet med distriktsguvernøren finn stad på klubbhuset på Hareid. Det vart oppmoda om at fleire melder seg på via Spond, slik at ein kan gje Hareid ein god peikepinn på deltakartalet frå Ulstein Rotaryklubb.
Komande møte
- Kaffemøte: 11. november 2024
- Julebord på Bogne Breseri saman med Herøy Rotaryklubb: 25. november 2024. Thor Martin Eidem takkar for invitasjon og god mat. Frist for påmelding kjem.
- Årsmøte og siste møte for året: 9. desember 2024
- Første møte i 2025: 6. januar 2025
Forslag til program for 2025:
- Omvising av nytt kontorbygg hos Kongsberg Maritime i Ulsteinvik
- Omvising i Millenium-bygget på Hareid når det står klart
- Dugnad for gapahukar
Ulstein Rotaryklubb ser fram til ei rekkje spennande og sosiale aktivitetar i tida framover!
Takk til Synnøve Riise for notater og bilete.
18. februar 2020
Intercity-møte : Høgskulen i Volda
Rotaryklubbene i Ulstein og Volda fekk en flott presentasjon av Høgskulen i Volda av rektor Johann Roppen.
Heile presentasjonen kan du lese her.
10. februar 2020
Bruk 3 sekunder på å si: JEG ER ORGANDONOR
Det vart ein sterk kveld i Hareidhallen då Hege Lundin Kuhle, dagleg leiar i Stiftinga Organdonasjon i Oslo og hjartetransplanterte Vinjar Vikanes frå Ulstein orienterte om kvifor organdonasjon er så viktig.
3. februar 2020
Hellesylt Hydrogen Hub, Astanel AS og Flakk gruppen
Vi fekk besøk av dagleg leiar i Astanel AS, Jan Arild Roppen. Han fortalte om Hellesylt Hydrogen Hub der han er prosjektleiar. I tillegg presenterte han Flakk Gruppen AS og selskapet sitt Astanel AS.
27. januar 2020
Hvordan fjordkrysningene på E39 kan bli 10 milliarder billigere
Dagleg Leiar i Prodtex - Tore Roppen - holdt et svært engasjert foredrag for 30 tilhørere om automatisert produksjon av stålbruer.
20. januar 2020
Bedriftsbesøk Marin Teknikk AS
Bedriftsbesøk og Intercitymøte i regi av Herøy Rotary.
CEO Svein Rune Gjerde holdt et flott foredrag om den lange historien og dei ulike prosjekta til Marin Teknikk AS.
13. januar 2020
Presidentens time
President Bjørn Gunnar Tafjord orienterte blant annet om programmet fremover, og vi fekk presentert flere nye medlemmer i Ulstein Rotaryklubb.
6. januar 2020
Amnesty International Norge
Styreleiar i Amnesty International Norge og ny medlem i klubben vår
Kjetil Haanes fortalde om Amnesty sitt arbeid for menneskerettane.
13. desember 2019
Årets Julebord
Kari og Njål arrangerte årets Julebord på ein framifrå måte.
God mat og drikke på eit nydelig dekt festbord.
9. desember 2019
Omvisning ombord "MS Fridtjof Nansen"
Vi var så heldige å få en flott omvisning ombord i det siste polare cruseskipet til Hurtigruten som både er designet og bygt lokalt, av henholdsvis Kongsberg Ship Design, og Kleven Verft.
Vi fekk også flott omvisning på verft & bedriftsmuseet til Kleven.
25. november 2019
Årsmelding 2018-2019
Past President Finn-Ove Kvalsvik presenterte årsmeldinga for det innholdsrike Rotartyåret 2018/2019