DEN INTERNASJONALE POLIODAGEN 24.10.2024
Ulstein Rotaryklubb tek opp kampen mot polio – ditt bidrag kan gjere ein stor forskjell.
På den internasjonale Poliodagen den 24. oktober vil Ulstein Rotaryklubb markere sitt engasjement for å utrydde polio verda over.
Ulstein Rotaryklubb inviterer lokalsamfunnet til å bidra til kampen mot polio. Alle donasjonar til Rotary sitt arbeid blir tredobla gjennom eit samarbeid med Bill & Melinda Gates Foundation. For kvar krone du gir, blir to ekstra lagt til – noko som gjer ditt bidrag endå meir verdifullt i kampen for å utrydde polio ein gong for alle.
Ved å gi til vårt Vipps-nummer 835202 kan du hjelpe Rotary med å vaksinere barn i dei mest sårbare områda i verda og bringe oss nærare ein poliofri framtid.
Krise i Gaza forverrar helsesituasjonen
Den pågåande krisa i Gaza har ført til ein kraftig nedgang i vaksinasjonsdekninga, noko som aukar risikoen for sjukdommar som polio, som kan førebyggast med vaksine. Verdens helseorganisasjon (WHO) vurderer risikoen for spreiing av polio i Gaza og internasjonalt som svært høg, særleg fordi krisa hindrar helsetenestene si evne til å drive nødvendige overvåkings- og vaksinasjonsprogram.
Utfordringar i Afghanistan
I Afghanistan har Rotary også stått overfor store utfordringar etter at Taliban stansa dør-til-dør-vaksineringa. Det blir jobba med å finne alternative måtar å nå barna på, samtidig som tryggleiken til vaksinatørane, spesielt kvinner, må ivaretakast.
Pakistan – eit lyspunkt i kampen
Pakistan har gjort store fremskritt, der Rotary har etablert 23 vaksinasjonssentre over heile landet. I høgrisikoområde som Sindh, blir det jobba aktivt med sosial mobilisering og tillitsbygging blant familiar som tidlegare har vegra seg mot å vaksinere borna sine. Dette har ført til auka vaksinasjonsdekning og redusert risiko for spreiing av polio.
Vi treng din støtte for å beskytte framtidige generasjonar frå polio. Saman kan vi gjere ein stor forskjell.
30. august 2021
Kick-off Rotaryåret 2021/2022
President Thor Martin Eidem orienterte om planane for året som kjem.
23. august 2021
Guvernørbesøk
Rotaryklubbene i Hareid, Ulstein og Herøy fekk besøk av Distrikts guvernør Hans Olav Osbak
21. juni 2021
Presidentskifte
Past President Lidun Hareide overlet roret til President Thor Martin Eidem.
7. juni 2021
Kosedugnad - Holsekrerdalen 20 - "Rotaryhagen"
Vi hadde ein «enkel kosedugnad i Rotarhagen». Vi fylte på med mold i plantekara, lyfta opp ein del av plantene så dei synest betre, kosta og ordna litt.
31. mai 2021
Ulstein Rotaryklubb har bidratt til oksygenapparat til landsbyhospital i India.
På dagens kaffemøte blei medlemmene overrasket av et kjekt nettmøte med en Rotaryklubb i India i samband med at URK sammen med "From you 2 them" og gjennom Rotaryklubben i India har bidratt med et oksygenapparat.
Turid Tranvåg holdt 5 minutter.
12. mai 2021
President Lidun Hareide og Hagearkitekt Hiljerd Holt Myrene med ekstradugnad :)
Lidun og Hiljerd har i dag fylt på med jord og fleire blomar i kumringbeda.
10. mai 2021
Overlevering av første byggetrinn av "Rotaryhagen"
Etter dugnaden i dag overleverte Ulstein Rotaryklubb første byggetrinn av ein vakker og tenleg hage – som vi i fellesskap med fleire samarbeidspartnarar har fått laga til glede for bebuarane i leilegheitskomplekset.
9. mai 2021
Holsekerdalen 20 - Hageprosjekt
Ein hage som kan stimulere sansar og minner, men som også kan fungere som motivasjon til å rusle seg ein liten tur, og der det er tilrettelagt for koselege sitteplassar.
3. mai 2021
Besøk på Dalsfjord Fyrmuseum
I dag besøkte vi Dalsfjord Fyrmuseum, og fekk en flott omvisning av Frode Pilskog.