Intercity-møte mellom Hareid, Ulstein og Herøy Rotaryklubber
Måndag kveld møttest Hareid, Ulstein og Herøy Rotaryklubbar til Intercity-møte på Klubbhuset i Hareid. Frå klokka 18:00 til 20:30 var det eit engasjerande program, der måla for Rotaryåret 2024/2025 vart presentert og diskutert.
Det var godt frammøte frå alle dei tre klubbane.
Presidenten i Hareid Rotaryklubb, Astrid Velle, ynskte velkommen med varme ord før alle saman stemte i og song alle versa av «Mellom bakkar og berg». Dei frammøtte fekk servert nysteikte vaflar, kaffi og te – ein perfekt start på ein hyggeleg kveld.
Kvar av klubbane fekk høve til å presentere sine planar og mål for det komande året. Presidentane Astrid Velle frå Hareid, Thor Martin Eidem frå Ulstein, og Tove Worren frå Herøy heldt kvar sine 30-minutts innlegg der dei delte sine visjonar for året framover.
President for Herøy Rotary Tove Worren, DG Lidun Hareide, President for Ulstein Rotary Thor Martin Eidem og President for Hareid Rotary Astrid Velle.
Frå Rotary-distriktet møtte mellom anna distriktsguvernør Lidun Hareide, Greta Herje, Per Arne Emdal og Hege Hamre. Etter klubbpresentasjonane heldt DG Lidun Hareide eit innlegg der ho delte frå si Rotary-erfaring både lokalt og internasjonalt. Ho oppmoda ho alle til å skape «magiske opplevingar» for medlemmene – ein påminning om kva Rotary kan vere på sitt beste.
Dei tre klubbane ser no fram til eit nytt Rotary-år med fornya energi og ambisjonar.
Foto: Herøy Roatryklubb og Jan Einar Saunes
6. oktober 2025
Guvernørbesøk
Klubbane i Ulstein, Herøy og Hareid hadde fellesmøte med guvernøren for vårt distrikt. Hareid var vertskap
29. september 2025
Bedriftspresentasjon ved Glen Bradley frå Rostein AS
Rostein AS er eit av dei tre største brønnbåtrederia i verden. Dei transporterer smolt- og slaktefisk og utfører sortering/telling av laks og ørret. Dei utfører også utsleppsfri parasittbehandling uten bruk av kjemikalier eller medikament.
22. september 2025
Kaffimøte
I dag var det medlemsmøte med informasjon frå styremøtet, og høve til fri drøs over ein kopp kaffi
15. september 2025
Korleis unngå å bli svindla på nett
Lillian Breivik og Wenche Ertesvåg frå
Sparebank 1 orienterte om dette stadig viktigare temaet
8. september 2025
Bedriftsbesøk hos Island Offshore
Trond Hauge og Andre Almestad tok vel imot oss på administrasjonsbygget på Stålhaugen i Ulsteinvik. Dei presenterte selskapet, drifta og aktuelle prosjekt.
1. september 2025
Erfaringar frå reklamebransjen i New York
Henrik Bakke Hareide delte sine erfaringar frå 9 år i Amerika
25. august 2025
Bedriftsbesøk hos Brimer
Lauritz Skeide orienterte om Brimer der han er sals- og markedssjef
18. august 2025
Det nye rotaryåret er i gang
President Stig S Riise presenterte sine mål for det komande rotaryåret
19. juni 2025
Presidentskifte
President Thor Martin Eidem takkar for seg og overlet roret til Stig Sandanger Riise.
Vi feiret med nydelig fiskesuppe på Quality Hotel Ulstein
26. mai 2025
SISTE NYTT FRÅ KLUBBEN FOR DENNE PERIODA
Ulstein Rotary Klubb heldt medlemsmøte måndag 26. mai 2025, der fleire viktige saker vart drøfta og vedtekne. Møtet markerte starten på avslutninga av Rotary-året 2024/2025 og førebuingane til det komande året.