ROTARY ULSTEIN PLANLEGG FOR FRAMTIDA
Måndag 31. mars 2025 samla Ulstein Rotaryklubb seg til eit kaffimøte på Ulstein Hotell, leia av president Thor Martin Eidem. Med godt frammøte og ei aktiv forsamling, vart det ein kveld fylt med viktige diskusjonar og planar for framtida.
Sjøreise frå Valparaiso til Buenos Aires
Møtet starta med ei spennande presentasjon om ein 25-dagars sjøreise langs kysten frå Valparaiso til Buenos Aires. Denne reisa vekka stor interesse blant medlemmane.
Rotarypresident Thor Martin Eidem med informasjon og historie frå turen.
Invitasjon til Styreseminar
Stig Sandanger Riise informerte om det komande styreseminaret som vil føregå på nettet frå 31. mars til 9. april 2025. Han jobbar med å få på plass komitéleiarar for perioden 2025-2026, men det manglar framleis dugnadsleiar og leiar for ungdomsutveksling. Medlemmane vart oppfordra til å melde seg.
Dugnad Gapahukar
Otto Kjetil følgjer opp dugnaden ved gapahukane som er planlagt til måndag 5. mai 2025. Han treng frivillige og håpar på godt ver for gjennomføringa.
Dugnad Rotaryhagen
Thor Martin følgjer opp dugnaden i Rotaryhagen som skal finne stad i april 2025. Han vil finne eit tidspunkt utanom Rotary-måndag og treng minst fem frivillige til å rydde i hagen og tilføre mold. Frukttrea vart klipte i haust.
Rotaryhagen
Programkveldar fram til Sommarferien 2025
Programmet for kveldane fram til sommarferien vart gjennomgått. Det blir fri måndag i påskeveka og 2. påskedag. Presidentskiftet er bestemt til måndag 16. juni, som blir siste møte før sommaren.
Eventuelt
Under eventuelt vart rekruttering av nye medlemmar diskutert. Det vart understreka viktigheita av å følgje opp dei som blir inviterte, samt å behalde dei medlemmane vi allereie har.
3. januar 2021
Vårens Program frå Dagfinn Olav Bye
Siste oppdatering: Vi starter opp igjen med møteaktivitet f.o.m. 15 mars 2021.
Vårens spennande program i Ulstein Rotaryklubb er no klart.
Møtene i starten av året måtte vi dessverre avlyse grunnet gjeldende nasjonale korona-restriksjoner.
14. desember 2020
Årsmøte med årsmelding 2019/2020
Årsmøte med orientering om rekneskapet av Synnøve Riise
Årsmelding med Past President Bjørn Gunnar Tafjord.
7. desember 2020
Yrkesforedrag med Johannes "Bassa" Kristian Bjøringsøy
Fortalde om oppvekst, utdanning og ikkje minst den fantastiske historien om firmaet sitt Sebastian AS
30. november 2020
Kaffimøte med gode kaker og kaffi til den gode samtalen.
Lidun orienterte frå styremøtet, spesielt om Rotaryhagen i Holsekerdalen, årsmøtet 14.12. og juleavslutninga 18.12.
Otto Kjetil hadde 10 min der han snakka først og fremst om manndomsprøva med selfangst i ishavet i ungdomstida.
23. november 2020
Øystein Orten: Krigshistorier
Forfattar Øystein Orten med engasjert og levande historieforteljing om krigen.
16. november 2020
Ordførar Knut Erik Engh var på besøk og presenterte kommune - versjon 3.0: frå formynderi til fellesskap.
Eit engasjert foredrag om korleis kommunen vår skal drivast i framtida.
2. november 2020
Yrkesforedrag - Arnfinn Godø
Yrkesforedrag med Arnfinn Godø som orienterte oss om en allsidig utdannelse og yrkeserfaring.
Pastpresident Bjørn Gunnar Tafjord leda møtet og takka for ein lærerik kveld.
26. oktober 2020
Presidentens time / Kaffemøte
President Lidun Hareide orienterte om Polio aksjonen på Laurdag med salg av pins.
Rune Ulfstein hadde fem minutt om historia til huset sitt og bedrifter i nabolaget i gamle dagar. Lærerikt om første handlegata i Ulstein
24. oktober 2020
Ulstein Rotary markerer Poliodagen 2020
Vi hadde i år innlegg i lokalavisa, en større digital markering på Facebook med video og ulike innlegg, samt stand på Ulstein Arena 24 oktober der vi samlet inn penger til Polioaksjonen.
Gi ditt bidrag på VIPPS-nummer : 562340