Bedriftsbesøk hos Furene Ulsteinvik
Vi fekk presentasjon av bedrifta og omvisning i dei nye lokala i Ulsteinvik sentrum
Inge-Jonny Hide viste oss rundt og fortalde om det viktige samfunnsoppdaget deira. I 2023 fylte bedrifta 50 år. I eit halvt århundre har verksemda jobba for å integrere dei som står utanfor arbeidslivet. Gjennom kartlegging av evner og motivasjon, tilrettelegging for læring og finne eit startpunkt, har Furene gitt mange livskvalitet samstundes som samfunnet betaler løn istaden for bistand.
Dei har i dag 180 tilsette fordelt på dei 7 kommunane på Søre Sunnmøre. Av desse er halvparten aktive arbeidssøkarar. Dei har folk som treng hjelp inn i arbeidslivet, dei som treng hjelp tilbake til arbeid, eller treng å finne ein ny vei inn i arbeidslivet.
Furene har fokus på å omstille seg i takt med behova og endringane i samfunnet, og jobber aktivt med å verte meir synlege. Det nye lokalet i Ulsteinvik sentrum borga for kvalitet og framtidstru, og vi fekk høyre om ny logo og visjonen "saman skaper vi eit arbeidsliv med plass og moglegheiter for alle".
Hide viste til at det norske samfunnet er i stor mangel på arbeidskraft samstundes som ein aukande andel står utanfor arbeidslivet. Det pågår no eit arbeid som viser at det er behov for å tilnærme seg dette på ein heilt annan måte. Ved å bryte opp innhaldet i ei stilling innanfor helsevesenet ser forskarane at oppgåvene består av mange ulike element som slett ikkje treng den fagkompetansen som ligg i stillinga. Heile 50 % av oppgåvene kan gjerast av andre. Det trengs eit omfattande samarbeid frå mange partar for å gjennomføre denne omstillinga. Men dette er nettopp slike ting Furene er gode på,- å dele opp arbeidsoppgåver slik alle kan bidra med sitt.
Hide fortalde om eit anna bilde som visualiserer kor stort problemet faktisk er når det gjeld utanforskap blant dei unge i fylket. NAV og NHO har gjennom arbeidskraftløftet i 2024 kartlagt unge mellom 15-29 år i Møre og Romsdal. Av desse er 2500 under utdanning, 6100 i jobb og 1100 utanfor. Desse siste tilsvarer 11 fulle bussar med unge, som ein då kan sjå for seg køyrer rundt uten å vite kvar dei skal. Om ein klarer å sysselsette 1 av dei 11 bussane tilsvarer dette, ifølge Hide, 10 milliard kroner.
Fleire av medlemmane ga uttrykk for at dei hadde lært mykje denne timen, og på vegne av presidenten takka past president Thor Martin Eidem for eit svært interessant møte.
5. oktober 2020
Kyrkja i Ulstein - Eit ankerfeste i tida
Ulstein Rotaryklubb hadde i dag vitjing av Magne Grimstad og Asle Geir Johansen som heldt eit fantastisk foredrag over temaet og boka: Kyrkja i Ulstein - Eit ankerfeste i tida.
Sjå presentasjonen her!
3. oktober 2020
Grunning/beising av Bugardshuken
Ein flittig gjeng frå Ulstein Rotaryklubb hadde dugnad på Bugardshuken i strålande solskin!
28. september 2020
Presidentens time
President Lidun Hareide informerte om guvernørbesøket, opplegg for poliodagen 24.10., og innspel til levekårsutvalet m.m.
21. september 2020
Kjell Olav Kleppe - « SJØLVPRESENTASJON - EIT AKTIVT LIV»
Kjell Olav Kleppe heldt eit spennande og interessant føredrag. Han fortalde om oppvekst, utdanning, yrkeskarriere, interesser, og krydra det med historier
14. september 2020
Guvernørbesøk
Guvernørbesøket fann stad på Thon hotell i Fosnavåg. Hareid, Herøy og Ulstein Rotary hadde kvar sine møte med DG Roald Fiksdal.
7. september 2020
Stølsdrift på Hareidlandet
Rotarymedlem Stig S. Riise holdt en engasjert presentasjon om stølsdrifta på Hareidlandet tidlig på 1900-tallet.
Sjå presentasjonen her.
31. august 2020
TANGO Seaweed v/Annelise Chapman
«Mer enn fisk i havet – sunne og næringsrike matprodukt fra den blåe åkeren»
24. august 2020
Første møte i Rotaryåret 2020/2021
President Lidun Hareide ledet med glans det første medlemsmøtet i Rotaryåret 2020/2021 - Vi ser fram mot en innholdsrik høst!
23. august 2020
Rotaryåret 2020/2021
Det spanande haustprogrammet til Ulstein Rotaryklubb er no klart!
29. juni 2020
Presidentskifte
Årets presidentskifte ble feiret med nydelig middag og flere foredrag på idylliske Skotholmen i Herøy.