Virtuell produksjonsplanlegging for å straumlinjeforme produksjonen

Prodtex står for «production, technology and excellence», og verksemda  har som mål å gjere alt frå prosjektdesign til ferdig produkt. Det siste året har Roppen jobba med planlegging av brusamband over Bjørnafjorden,som skal erstatte ferjestrekninga Haljem – Sandvikvåg mellom Os og Fitjar. 115 000 tonn stål vil gå med til dette brusambandet, og  dette tilsvarar all kapasitet på stor stålkonstruksjon i Polen i to år.

Saman med designarane ser Roppen på korleis ein kan bygge brusambandet meir effektivt, og så designar Prodtex ein fabrikk som kan produsere konstruksjonane. Ved å bygge på denne måten, vil ein kunne spare ein milliard på den planlagde brukryssinga over Bjørnafjorden.

Prodtex konsentrerer seg om dei mindre og mellomstore bruene. Bruene skal byggast i ein sandwich-konstruksjon, som gjer konstruksjonen sterkare med mindre bruk av stål. Produksjonen er tenkt lagt til Ulstein Verft sitt gamle anlegg på Fiskå. 

Prefabrikkering, samanstilling og overflatehandsaming skal gjerast av robotar inne i hallen, og dei gjer alt dei kan for å unngå menneskelege intervensjonar, som aukar kostnadane og minskar effektiviteten. 

Prodtex planlegg å bygge fire meter bru i  gongen, før dei flyttar brua og bygg fire meter til. Firmaet planlegg å flytte brudelar tre gongar i døgnet. 

Denne produksjonsmåten seier Roppen er «påtvungen» av leverandørane av maskinparken, men dei har rekna på at metoden er lønnsom, og vil gje lågare produksjonskostnad enn om ein kjøper seksjonane i Asia og transporterer dei til Noreg. I tillegg gjev produksjonsmetoden positive miljøfortrinn på innsparing av material, vekt, transport, etc.

Bjørnafjordsambandet er kostnadsrekna til mellom 12 og 15 milliardar kroner, og vil i følgje Statens Vegvesen minske reisetida mellom Bergen og Stavanger frå 4 til 2 timar 

President Bjørn Gunnar Tafjord overrekker blomster til Tore Roppen som takk for et svært interessant foredrag.

Referat v/Lidun Hareide - Sekretær

Publisert av Stig Borgundvåg 27. januar 2020