Nyhetsdetaljer | Ulstein Rotaryklubb

Presidentskifte

Past President Lidun Hareide overlet roret til President Thor Martin Eidem.

Det var lagt opp til rekecruise med Hindholmen, der klubben spanderte reker m.m., og medlemmane hadde med seg drikkevarer.

Det vart ein flott tur frå Ulsteinvik og ut til Grasøyane fyr og tilbake. Det var fint ver, så ein kunne sitje ute og nyte utsikta, naturen og sjølufta.

Ved Grasøyane fyr vart presidentskiftet gjennomført. Lidun Hareide vart takka av som president etter eit år der klubben har fått til mykje, og Thor Martin Eidem overtok som president for det neste året med gode prosjekt å arbeide vidare med.

Det tilbakelagde året har vore eit bra år for Ulstein Rotary. Mesteparten av året har det vorte gjennomført møte med gode program og fleire prosjekt som er sette i gong. Døme på gode prosjekt som klubben har fått vedtatt/sett i gong er, eigne vedtekter, Rotary – hagen i Holsekerdalen, og surstoffdonasjon til Mombai/India. Det er også muleg at Rotary-klubben i Mumbai og Ulstein Rotary-klubb kan verte vennskapsklubbar/samarbeide som t.d. Global Grant.

Referat: Eldrid Vik (Sekretær) /Bilder: Jan Einar Saunes & Stig Ole Borgundvåg

15. september 2023

MEDLEMSPRESENTASJON - HEGE LONGVA

Hege Charlotte Longva heldt eit særs interessant medlemspresentasjon som omfatta både familiebakgrunn, utdanningsløp, fritidsinteresser og si satsing på appen NOA. Presidenten avslutta møtet med å gi en skremande forsmak på kva AI-teknologi kan gjere.