Nyhetsdetaljer | Ulstein Rotaryklubb

Rotaryåret 2020/2021 ligg an til å bli fullt med nye høgdepunkt

Påtroppande leiar for programkommiteen for perioden 2020-2021, Dagfinn Olav Bye, fekk inn mange gode idear til spanande programpostar for hausten 2020, og fleire aktivitetar er allereie booka. Det blir variert program, som skal reflektere samfunnet rundt oss i mange fasettar, så det er berre å glede seg!.

Informasjonssaker:

President Bjørn Gunnar Tafjord brukte siste halvdel av møtet til å gje oppdatert informasjon om pågåande prosjekt og aktivitetar i klubben.

Informasjonsskilt til Høddmonumentet: For å redusere kostnadane til vil Ulstein Rotaryklubb sjølve hente skiltet hjå Arkoplan AS i Molde som har stått for produksjonen og montere skiltet på eigna fundament (betong eller granittblokk). Det er Arkoplan som også har laga dei andre skilta i Ulsteinvik sentrum. Planen er å få montert skiltet ein stad ved rundkøyringa i løpet av første halvdel i juni. Plassering og type fundament vert bestemt i samråd med kommunen.

Gåve til Ulstein kommune: Ulstein kommune v/rådmann Verner Larsen har som vi veit takka ja til gåvene frå Ulstein Rotaryklubb. Kommunen har bedd om nødvendig dokumentasjon om grunneigarar der gapahukane står. Bugardshuken står på gnr 7 bnr 7 som er eigd av etterkomarane til Oddmund Ulstein medan Lisjevatnhuken står på Skeide Grunneigarlag sitt utmarksstykke. Høddmonumentet står på kommunal grunn. Når dette er på plass vil Ulstein kommune ta over installasjonane og sørge for at dei vert verdisette og forsikra. Ulstein Rotaryklubb legg opp til ei markering av overføringa ved gapahuken i Bugradsmyra der vi inviterer kommunen og lokalavisa.

Materiell: Vi arbeider for tida med eit Rotary-skilt som skal henge i resepsjonen (messing 30x30 cm) og to rollups frå Fantastiske Osberget (ein info.rollup og ein Polio pluss rollup).

Kartlegging av lokale prosjekt: Komiteen arbeider framleis med å systematisere informasjonen og framskaffe biletemateriale. President har gjort avtale med Vikebladet Vestposten om ei tosiders reportasje der vi får presentert både klubben og dei største lokale prosjekta våre.

President Bjørn Gunnar Tafjord avsluttet med informasjonssaker

Referat: Lidun Hareide & Bjørn Gunnar Tafjord / Foto: Jan Einar Saunes / Web: Stig Ole Borgundvåg

20. januar 2020

Bedriftsbesøk Marin Teknikk AS

Bedriftsbesøk og Intercitymøte i regi av Herøy Rotary.
CEO Svein Rune Gjerde holdt et flott foredrag om den lange historien og dei ulike prosjekta til Marin Teknikk AS.

13. januar 2020

Presidentens time

President Bjørn Gunnar Tafjord orienterte blant annet om programmet fremover, og vi fekk presentert flere nye medlemmer i Ulstein Rotaryklubb.

6. januar 2020

Amnesty International Norge

Styreleiar i Amnesty International Norge og ny medlem i klubben vår
Kjetil Haanes fortalde om Amnesty sitt arbeid for menneskerettane.

13. desember 2019

Årets Julebord

Kari og Njål arrangerte årets Julebord på ein framifrå måte.
God mat og drikke på eit nydelig dekt festbord.

9. desember 2019

Omvisning ombord "MS Fridtjof Nansen"

Vi var så heldige å få en flott omvisning ombord i det siste polare cruseskipet til Hurtigruten som både er designet og bygt lokalt, av henholdsvis Kongsberg Ship Design, og Kleven Verft.
Vi fekk også flott omvisning på verft & bedriftsmuseet til Kleven.